سمندر میں بھٹکنے والےافراد کی ویڈیو وائرل ہوگئی ہے۔
غیر قانونی طور پر مسقط جانے کی کوشش کے دوران 20افراد سمندر میں بھٹک گئے تھے،ڈپٹی کمشنر گوادر کے مطابق مقامی ماہی گیروں نے بھٹکے ہوئے افراد کو ریسکیو کیا۔
20 دنوں سے یہ لوگ سمندر میں بھوکے اور پیاسے رہے، ماہی گیروں نے بھٹکے افراد کو قریبی ایرانی سرزمین پر پہنچا دیا،
ماہی گیر کے مطابق تارکین وطن کی کشتی کا انجن سمندر میں گر گیا تھا،بھٹکنے کے باعث ان میں سے 3 افراد بھوک کی وجہ سے ہلاک ہوئے، 3 ہلاک شدہ افراد کو ان کے ساتھیوں نے سمندر میں پھینکا تھا۔
بچ جانے والے افراد نے ماہی گیروں کا شکریہ ادا کیا،ڈپٹی کمشنر گوادر کا کہنا ہےریسکیو کرنے والے ماہی گیروں سے تاحال رابطہ نہیں ہو سکا،تارکین وطن کی واپسی کے لیے ایرانی حکومت سے رابطہ کیا جائے گا۔
