وفاقی وزیر خزانہ محمد اورنگزیب نے بجٹ تقریر میں کہا کہ پیٹرول، ہائی اسپیڈ ڈیزل اور فرنس آئل پر فی لیٹر 2.5 روپے کاربن لیوی عائد ہوگی،2026-27میں کاربن لیوی کی شرح 5 روپے فی لیٹر کی جائیگی۔
ٹیکس کی مہر یا بارکوڈ کےبغیر اشیا ضبط کی جائیں گی، ٹیکس قوانین پر عملدرآمد کیلئے صوبائی افسران کی مدد لینے کا بھی فیصلہ کیا گیا ہے،نان ڈیوٹی پیڈ سگریٹ کی اسمگلنگ پر قابو پایا جاسکے گا۔
نئے بجٹ میں حکومت نے کسٹمز اصلاحات متعارف اور گردشی قرضوں کی ادائیگی کیلئے 10 فیصد سرچارج عائد کرنے کا فیصلہ بھی کیا ہے۔
حکومت کو سرچارج کا ریٹ بڑھانے کا اختیار بھی حاصل ہوگا،نئے بجٹ میں انرجی وہیکل پالیسی پر عمل کیلئے اہم اقدامات کا اعلان بھی کیا گیا ہے۔
محمد اورنگزیب کا کہنا تھا کہ پیٹرول اور ڈیزل کے بجائے الیکٹرک گاڑیوں کو ترجیح دی جائے گی،الیکٹرک موٹر سائیکل اور رکشوں کے استعمال کو فروغ دیا جائے گا۔
پیٹرول اور ڈیزل گاڑیوں پر لیوی عائد کرنے کی تجویز دی گئی ہے،تیل استعمال کرنے والی گاڑیوں کی فروخت اور درآمد پر انجن کیسپٹی کے مطابق لیوی عائد کی جائے گی۔
