وزیر خزانہ محمد اورنگزیب نے بجٹ تقریر کرتے ہوئے بتایا ہے کہ سالانہ بیس کروڑ سے پچاس کروڑ آمدنی کرنے والے کارپوریٹ سیکٹر پر سپر ٹیکس میں 0.5 فیصد کمی کا فیصلہ کیا ہے۔
انہوں نے بتایا کہ جائیداد کی خریداری پر ودہولڈنگ ٹیکس کی شرح میں کمی کی گئی ہے۔ ودہولڈنگ ٹیکس 4 فیصد سے کم کر کے اڑھائی فیصد کر دیا گیا۔
جب کہ دوسری سلیب میں 3.5 فیصد سے کم کر کے 2 فیصد اور تیسرے سلیب میں 3 فیصد سے کم کر ودہولڈنگ ٹیکس 1.5 فیصد کر دیا گیا۔
اس کے علاوہ کمرشل جائیدادوں، پلاٹوں اور گھروں ٹرانسفر فیڈرل ایکسائز ڈیوٹی ختم کر دی گئی۔
گزشتہ بجٹ میں 7 فیصد فیڈرل ایکسائز ڈیوٹی عائد کی گئی تھی۔دس مرلہ تک کے گھروں اور دو ہزار مربع فٹ کے فلیٹس پر ٹیکس کریڈٹ کا اعلان کیا گیا۔
بجٹ میں حکومت نے مورگیج فنانسنگ کو فروغ دینے کا فیصلہ کیا ہے۔اسلام آباد میں جائیداد کی خریداری پر اسٹاپ پیپر ڈیوٹی 4 فیصد سے کم کر کے 1 فیصد کر دی۔
