ماہ شعبان کے چاند کی رویت سے متعلق مرکزی رویت ہلال کمیٹی کا اجلاس کوئٹہ میں ہوا، اس کے علاوہ زونل رویت ہلال کمیٹیوں کے بھی اجلاس ہوئے۔
اجلاس کی صدارت چیئرمین مرکزی رویت ہلال کمیٹی پاکستان مولانا سید محمد عبد الخبیر آزاد نے کی ،بعدازاں انہوں نے اعلان کیا کہ ملک کے اکثر و بیشتر مقامات پر مطلع صاف کچھ جگہوں پر مطلع آبر آلود رہا ۔
تھر سے چاند نظر آنے کی شہادتیں موصول ہوگئی ہیں ۔یکم شعبان المعظم 31 جنوری 2025 بروز جمعتہ المبارک ہوگی جبکہ شب برات13 فروری کو ہوگی۔
مولانا عبدالخبیر آزاد نے ملکی سلامتی، فلسطینی بھائیوں کی مشکلات کے حل کیلئے خصوصی دعا کی، اس کے علاوہ باران رحمت کیلئے بھی خصوصی اجتماعی دعا کی گئی۔
پاکستان میں پہلا روزہ کب ہوگا؟
ملک میں شعبان المعظم کا آغاز 31 جنوری 2025 سے ہوگا، اگر شعبان المعظم کا مہینہ 29 دنوں کا ہوا تو پہلا روزہ یکم مارچ بروز ہفتہ ہوگااور اگر شعبان المعظم کا مہینہ 30 دنوں کا ہوا تو ملک میں پہلا روزہ دو مارچ بروز اتوار کو ہوگا۔
ماہرین فلکیات کا کہنا ہے کہ خلیجی ممالک اور یورپ میں رمضان کا آغاز یکم مارچ سے ہونے کا امکان ہے۔
