بلوچستان حکومت کے ترجمان شاہد رند نے کہا ہے کہ سردار اختر مینگل اور بی این پی قیادت اور شرکا محفوظ ہیں۔
ان کا کہنا تھا کہ واقعے کی چھان بین کی جا رہی ہے، لک پاس دھماکے کے مقام کے قریب بلوچستان نیشنل پارٹی کا دھرنا جاری تھا، دھماکے سے کسی کو نقصان نہیں پہنچا۔
ترجمان بلوچستان حکومت نے سردار اختر مینگل اور ان کی جماعت سے اپیل کی کہ حکومت سے تعاون کریں، ان کا کہنا تھا کہ بی این پی وفد کی گزشتہ رات انتظامیہ سے ملاقات ہوئی۔
انہوں نے کہا کہ انتظامیہ کے ساتھ رابطہ رہا اور بیک ڈور ڈپلومیسی ہوتی رہی،حکومتی وفد آج سردار اختر مینگل سے ملاقات کرے گا، کمیٹی ارکان راستے میں ہی تھے کہ یہ واقعہ پیش آ گیا۔
