اسلام آباد پولیس نے کار سرکار میں مداخلت کے الزام میں معروف وکیل ایمان مزاری کو شوہر سمیت گرفتار کر لیا۔
پولیس ذرائع کے مطابق ایمان مزاری اور ان کے شوہر کے خلاف اسلام آباد کے تھانہ آبپارہ میں کار سرکار میں مداخلت اور دیگر دفعات کے تحت مقدمہ درج ہے۔
گزشتہ دنوں ایمان مزاری ایڈووکیٹ اور ان کے شوہر نے انگلینڈ کرکٹ ٹیم کے لیے لگایا گیا سکیورٹی روٹ توڑنے کی کوشش کی تھی۔
پولیس ذرائع کے مطابق ایمان مزاری اور ان کے شوہر نے پولیس اہلکاروں سے مزاحمت کی، ایمان مزاری کے شوہر نے اہلکاروں کو تھپڑ مارے اور گالم گلوچ کے علاوہ اہلکاروں کو سنگین نتائج کی دھمکیاں دی تھیں ، بعد ازاں دونوں بیرئیرز ہٹاتے ہوئے موقع سے فرار ہو گئے تھے۔
