خیبر پختونخوا کابینہ میں مزید رد و بدل ، وزیراعلیٰ کی مشیر برائے سماجی بہبود مشعال یوسفزئی سے بھی قلمدان واپس لے لیا گیا۔
ذرائع کے مطابق علی امین گنڈا پور کی مشیر مشعال یوسفزئی سے قلمدان پارٹی میں بیشتر عہدیداروں کے نالاں ہونے پر واپس لیا گیا ، سماجی بہبود کا محکمہ سابق صوبائی وزیر قاسم شاہ کو دے دیا گیا۔
ذرائع نے بتایا کہ مشعال یوسفزئی کو ہٹائے جانے کے بعد کابینہ میں خواتین کی نمائندگی ختم ہونے کا امکان ہے ، پی ٹی آئی کے پچھلے دور حکومت میں بھی کابینہ میں کوئی خاتون شامل نہیں تھی۔
واضح رہے دو روز قبل بھی کابینہ کے 4 ارکان سے قلمدان واپس لئے گئے تھے۔
