قلات، قومی شاہراہ ریج کے مقام پر دو مسافر بسوں میں تصادم سے 5 افراد جاں بحق ہوگئے۔
لیویزذرائع کے مطابق قلات، قومی شاہراہ ریج کے مقام پر مسافر بسوں کے حادثے میں پانچ افراد جاں بحق، 14 شدید زخمی ہوگئے۔
لیویزذرائع نے بتایا کہ اطلاع ملتے ہی ریسکیو، پولیس اور لیویز اہلکار موقع پر پہنچ گئے، تمام لاشوں اور زخمیوں کو ڈی ایچ کیو اسپتال پہنچا دیاگیا۔
دوسری جانب ترجمان ریسکیو کے مطابق موٹروے ایم 2 کلرکہار سالٹ رینج میں مسافر بس اُلٹ گئی، حادثے کے نتیجے میں 2 مسافرجاں بحق، 30 زخمی ہوگئے۔
مسافر بس راولپنڈی سے چشتیاں جا رہی تھی، مزید اموات کا خدشہ ظاہر کیا جا رہا ہے، بس میں پھنسے مسافروں کو نکالنے کا عمل جاری ہے۔
