پنجاب حکومت نے پنجاب کے سرکاری ملازمین کی ملازمتوں سے متعلق رول 17 اے ختم کر دیا۔ اب مرحوم ملازمین کے بچوں کو نوکری نہیں ملے گی۔
موقر قومی اخبار کے مطابق پنجاب گورنمنٹ سول سرونٹس اپوئنٹمنٹ اینڈ کنڈیشنز آف سروس رولز 1974ء میں ترمیم کردی،اب وفات پانے کی صورت میں سرکاری ملازم کے اہل خانہ کو نوکری نہیں ملے گی۔
رول 17اے کے تحت سرکاری ملازمین کے اہل خانہ کو نوکری دی جاتی تھی، رول 17اے کے تحت سرکاری ملازم کی وفات کی صورت میں بیوی یا بچوں میں سے کوئی ایک نوکری کے لئے اہل ہوتا تھا۔
سیکرٹری ریگولیشنز سروسز اینڈ جنرل ایڈمنسٹریشن عرفان احمد سندھو نے رول 17اے ختم کرنے کا نوٹیفکیشن جاری کردیا ہے۔
