صوبائی وزیر خوراک بلال یاسین کا کہنا ہے کہ پنجاب میں گندم کا وافر ذخیرہ موجود ہے، قیمتوں میں کوئی اضافہ نہیں ہوا۔
ایک بیان میں انہوں نے کہا کہ محکمہ خوراک پنجاب کے پاس 23 لاکھ ٹن گندم موجود ہے،آٹے کی سپلائی میں نہ کوئی کمی آئی اور نہ ہونے دی جائے گی۔
آٹے کی قیمت میں مصنوعی اضافے کی کوشش کرنے والوں کیخلاف کارروائی ہو گی،انہوں نے محکمہ خوراک کو روزانہ کی بنیاد پر آٹا ترسیل مانیٹر کرنے کی ہدایت کردی ہے۔
بلال یاسین نے مزید کہا کہ پنجاب میں آٹے کی قیمت میں کسی قسم کا اضافہ نہیں کیا جا رہا،چند کالی بھیڑیں مارکیٹ کو متاثر کرنے کی کوشش کر رہی ہیں،عوام تک آٹے کی بلاتعطل اور سستے داموں فراہمی کیلئے ضلعی انتظامیہ کو ہدایات جاری کردی ہیں۔
