چین کی اپنی معیشت اور منڈیوں کوکھولنے کے اقدام کوسراہتےہیں، وزیرخزانہ

وزیرخزانہ محمد اورنگزیب نے کہا ہے کہ ہم چین کی اپنی معیشت اورمنڈیوں کوکھولنے کے اقدام کوسراہتے ہیں۔

وزیرخزانہ محمد اورنگزیب نے باؤفورم برائے ایشیا سالانہ کانفرنس 2025 میں شرکت کی اورمیڈیا سے گفتگو کرتے ہوئے کہا کہ سی پیک کے تحت مواصلات، انفراسٹرکچراور بندرگاہوں کی تعمیراورخطے میں سڑک و ریلوے روابط کی تعمیرکیلئے پاکستان کےعزم کا اعادہ کیا۔

انہوں نے کہا کہ چین کابرآمدی شعبہ پاکستان میں انفراسٹرکچر،سستی افرادی قوت کا فائدہ اٹھا سکتاہے، پاکستان نے ماضی میں ڈالر اوریورو میں کئی بانڈزکا اجرا کیا۔

اب وقت آگیا ہے کہ چینی کیپٹل مارکیٹ سے استفادہ کیا جائے، وزیرخزانہ نے رواں سال یوآن میں پاکستان کے پانڈا بانڈکے اجرا کاامکان ظاہرکیا، پانڈابانڈ کا اجرا پاکستان کی کیپٹل مارکیٹوں کوچین سے جوڑنے کاعکاس ہوگا۔

وزیرخزانہ نے آئرن برادرزقراردیتے ہوئے چین کی مستقل حمایت پرشکریہ اداکیا، وزیرخزانہ نے دورہ کے دوران چینی بینکوں کی ڈیجیٹل تبدیلی کامطالعہ کیا۔

پاکستان چین کے تجربات سے سیکھ کرڈیجیٹل حل کے ذریعے مالی شمولیت میں بہتری لاسکتا ہے، وزیرخزانہ نے زراعت، ڈرون ٹیکنالوجی اوردیگراہم شعبوں میں دوطرفہ تعاون پرروشنی ڈالی۔