ویسٹ انڈیز، امریکا کی کنڈیشنز پاکستان کے حق میں، فائنل کھیلنا چاہیے، شاہد آفریدی

آئی سی سی ٹی ٹوئنٹی ورلڈکپ کے سفیر نے کہا کہ عماد وسیم اور محمد عامر بہت تجربہ کار کھلاڑی ہیں، دونوں ویسٹ انڈیز کی لیگ کھیل چکے ہیں۔ ان کے اس تجربے سے فائدہ ہوگا۔

سابق کپتان نے کہا کہ قومی ٹیم کا فاسٹ باؤلنگ اٹیک تمام ٹیموں سے بہترین ہے لیکن جتنے بڑے باؤلرز ہیں ان پر ذمہ داری بھی انتی ہی زیادہ  ہوگی۔

انہوں نے مزید کہا کہ دعاگو ہوں کہ صائم ایوب اچھا پرفارم کرے، انہیں کافی موقع ملا ہے۔ اگر وہ انگلینڈ سیریز میں پرفارم نہیں کرتے تو فخر کو اوپر موقع دینا چاہیے۔