امیر جماعت اسلامی پاکستان حافظ نعیم الرحمان نے پریس کانفرنس کرتے ہوئے کہا کہ پاکستان کے اندر دہشت گردی میں امریکہ اور بھارت کا ہاتھ ہے۔ اور وفاقی حکومت کے ساتھ صوبائی حکومت بھی نااہلی کر رہی ہے۔
بلوچستان سے متعلق گفتگو کرتے ہوئے انہوں نے کہا کہ 14 اپریل کو اسلام آباد میں بلوچستان کی صورتحال پر پروگرام رکھا ہے۔ بلوچستان کے سردار ایک طرف اور عوام دوسری طرف ہیں۔ ہم حق دو عوام کو، امن دو عوام کو، تحریک چلا رہے ہیں۔
یہ بھی پڑھیں:
حافظ نعیم الرحمان نے کہا کہ خیبرپختونخوا کی صورتحال پر 20 اپریل کو پشاور میں امن مارچ کریں گے۔ دہشت گردی کے خلاف ایک لاکھ لوگ شہید ہوگئے لیکن امن نہیں آیا۔ اور افغان حکومت اپنی سرزمین پاکستان کے خلاف استعمال ہونے سے روکے۔
انہوں نے کہا کہ حکومت بجلی کی قیمتوں کی کمی کے اعلانات کر رہی ہے لیکن عمل نہیں۔ عید الفطر کے بعد ہم عوام کو متحرک کریں گے۔ حکومت کی کارکردگی صرف اشتہارات کی حد تک ہے۔ اور سولر کی پالیسی بھی عوام دشمن لائی جا رہی ہے۔ جبکہ حکومت اپنے وزراء اور ارکان کی مسلسل تنخواہیں بڑھا رہی ہے۔
کراچی کے صورتحال پر بات کرتے ہوئے انہوں نے کہا کہ کراچی کو لاوارث چھوڑ دیا گیا ہے۔ اور کراچی میں ساڑھے 3 ہزار ڈمپرز دن کو بھی چل رہے ہیں۔
