کراچی: مئیر کراچی مرتضی وہاب نے کہا ہے کہ محکمہ موسمیات کی پیشگوئی کے بعد ایمرجنسی نافذ کی گئی۔ کراچی میں 25 اور 26 اگست کو موسلادھار بارش کے امکانات ہیں۔
میئر کراچی مرتضیٰ وہاب نے کہا کہ بلدیہ عظمیٰ کراچی کی میونسپل سروسز کو ہائی الرٹ رہنے کی ہدایت کر دی گئی ہے۔
انہوں نے کہا کہ شہر میں ممکنہ بارشوں سے نمٹنے کے لیے بلدیہ عظمیٰ کے تمام اسٹاف کی چھٹی منسوخ کر دی ہے۔ محکمہ موسمیات کی پیشگوئی کے بعد ایمرجنسی نافذ کی گئی ہے۔
یہ بھی پڑھیں:
خیال رہے کہ چیف میٹرولوجسٹ سردار سرفراز نے بتایا کہ نیا سسٹم پورے سندھ کو لپیٹ میں لے گا جس کے سبب 27 اور 28 اگست کو شہر قائد میں تیز بارشوں کا امکان ہے۔ شدید بارش کے باعث کراچی میں اربن فلڈنگ کا خدشہ بھی ہے۔
محکمہ موسمیات نے بتایا کہ 25 سے 29 اگست کے دوران کراچی، حیدرآباد، ٹھٹھہ، بدین اور تھرپارکر میں تیز ہواؤں کے جھکڑ چلنے اور گرج چمک کے ساتھ بارش کا امکان ہے۔
