سندھ کے سینئر وزیر شرجیل انعام میمن نے پریس کانفرنس کرتے ہوئے کہا کہ پاکستان میں بہت سی مثبت تبدیلیاں لانی ہیں۔ اور تاجر برادری کو سپورٹ کرنے کے لیے اقدامات کرنے ہوں گے۔
انہوں نے کہا کہ ایسا ماحول بنانا پڑے گا کہ بیرون ملک سے بھی سرمایہ کاری آئے۔ اور ہم نے اپنے رویوں اور طرز حکومت میں بھی تبدیلی لانی ہے۔ خصوصی سرمایہ کاری سہولت کونسل (ایس آئی ایف سی) کے ذریعے سرمایہ کاروں کو سہولیات دی جا رہی ہیں۔
یہ بھی پڑھیں:
شرجیل میمن نے کہا کہ تاجر برادری کو سہولیات دیں گے تو ان کا اعتماد بڑھے گا۔ اور پاکستان میں سرمایہ کاری کے بہت سے مواقع موجود ہیں۔ پیپلز پارٹی اور سندھ حکومت تاجر برادری کو ویلکم کرتی ہے۔
انہوں نے کہا کہ وفاقی اور سندھ حکومت کی ترجیح ہے کہ ہر شعبے میں سرمایہ کاری ہو۔ جبکہ حکومت نے غیرملکی سرمایہ کاروں کے لیے ویزا پالیسی کو آسان کیا ہے۔
سینئر وزیر نے کہا کہ ملک میں معاشی استحکام میں ایس آئی ایف سی کا اہم کردار ہے۔ اور سندھ حکومت بڑا سرپرائز لا رہی ہے جس کا اعلان جلد ہو گا۔
