اسلام آباد: انسداد دہشتگردی عدالت نے پاکستان تحریک انصاف (پی ٹی آئی) کے 2 اراکین اسمبلی اور خیبر پختونخوا کے سرکاری ملازمین کی ضمانتیں منظور کر لیں۔
انسداد دہشت گردی عدالت کے جج ابوالحسنات ذوالقرنین نے 4 اکتوبر کے احتجاج کے دوران توڑ پھوڑ کے کیس میں گرفتار پی ٹی آئی کے رہنماؤں اور کارکنوں کی درخواست ضمانت پر سماعت کی۔
عدالت نے 4 اکتوبر کے احتجاج میں توڑپھوڑ کے الزام میں گرفتار ہونے والے 2 اراکین اسمبلی ملک لیاقت اور انور زیب کی ضمانتیں منظور کیں۔
یہ بھی پڑھیں:
اس کے علاوہ عدالت نے گرفتار خیبر پختونخوا پولیس کے ملازمین، ریسکیو ڈبل ون ڈبل ٹو کے ملازمین اور دیگر ملزمان کی بھی ضمانتیں منظور کر لیں۔
انسداد دہشتگردی عدالت نے 20 ہزار روپے کے مچلکوں کے عوض ضمانتیں منظور کرتے ہوئے ملزمان کو رہا کرنے کا حکم دیا۔
