صدر مملکت نے سپریم کورٹ کے تین ججز کی تقرری کی منظوری دے دی۔
جسٹس عقیل احمد عباسی، جسٹس ملک شہزاد احمد خان، جسٹس شاہد بلال حسن کو سپریم کورٹ کا جج تعینات کرنے کی منظوری دی گئی ہے۔
صدر مملکت کی منظوری کے بعد وزارت قانون نے نوٹیفکیشن جاری کر دیا،جوڈیشل کمیشن نے تینوں ججز کی تقرری کی سفارش کی تھی۔
علاوہ ازیں صدر مملکت نے سندھ ہائیکورٹ کے سینیئر ترین جج جسٹس شفیع صدیقی کو قائم مقام چیف جسٹس سندھ ہائیکورت تعینات کرنے کی منظوری دے دی۔
سندھ ہائی کورٹ کے چیف جسٹس عقیل عباسی کی سپریم کورٹ میں تقرری کے باعث عہدہ خالی ہوا تھا،جسٹس شفیع صدیقی مستقل چیف جسٹس سندھ ہائیکورٹ کی تقرری تک قائم مقام چیف جسٹس تعینات رہیں گے۔
اس کے علاوہ جسٹس شجاعت علی خان قائم مقام چیف جسٹس لاہور ہائیکورٹ تعینات کردئیے گئے ہیں۔
