ڈپٹی اسپیکر قومی اسمبلی نے وفاقی وزرا اور پارلیمانی سیکریٹریز کی ایوان سے غیر حاضری پروزیراعظم اور وزیر پارلیمانی امور طارق فضل چودھری کو خط لکھ دیا۔
غلام مصطفیٰ شاہ نے اپنے خط میں لکھا کہ وقفہ سوالات کے دوران وزرا کی غیر حاضری باعث تشویش ہے،20مارچ کو وزارت توانائی ، مواصلات کے وزرا اور پارلیمانی سیکریٹریز غیر حاضر تھے۔
وزرا اور پارلیمانی سیکریٹریز کا ایوان میں نہ آنا پارلیمانی روایات کی خلاف ورزی ہے،وزرا کی غیر حاضری سے اہم نوعیت کے عوامی مسائل پر بات نہ ہو سکی۔
وزرا کی غیر موجودگی کا معاملہ فوری حل طلب ہے،وزرا کی عدم دلچسپی سے ایوان کی کارروائی کا مقصد پورا نہیں ہو سکتا۔
آئین کے تحت اراکین کے سوالات کے جواب دینا کابینہ کی مجموعی ذمہ داری ہے،ڈپٹی اسپیکرغلام مصطفیٰ شاہ نے خط میں وزیراعظم سے مسئلے کے فوری حل کا مطالبہ کیا۔
