وزیراعلیٰ ہاؤس میں سندھ حکومت، گوگل اور ٹیچ ویلی کے درمیان معاہدہ طے پا گیا۔ اور وزیر اعلیٰ سندھ نے 30 ہزار گوگل کیرئیر سرٹیفکیٹ اسکالرشپس کا افتتاح بھی کر دیا۔
سندھ کی 30 جامعات کے طلبا کے لیے 30 ہزار گوگل کیریئر سرٹیفکیٹ اسکالرشپس کا آغاز کیا گیا ہے۔
وزیر اعلیٰ سندھ سید مراد علی شاہ نے کہا کہ حکومت سندھ ڈیجیٹل تعلیم اور ہنر مندی میں انقلابی اقدامات کر رہی ہے۔ اور اسکالرشپس نوجوانوں کے روشن مستقبل کے لیے سرمایہ کاری ہے۔
انہوں نے کہا کہ ڈیجیٹل مہارتوں سے سندھ کی سماجی و اقتصادی ترقی کو فروغ ملے گا۔ جبکہ گزشتہ سال 10 سرکاری جامعات کے 1500 طلبا کو اسکالرشپس فراہم کی گئی تھیں۔ رواں سال سرکاری 30 جامعات کے 30 ہزار طلبا اسکالرشپس سے مستفید ہوں گے۔
یہ بھی پڑھیں:
سید مراد علی شاہ نے کہا کہ پراجیکٹ مینجمنٹ، سائبر سیکیورٹی اور اے آئی میں تربیت بھی دی جائے گی۔ کم مراعات یافتہ طبقات اور خواتین کے لیے خصوصی کوٹہ مختص ہے۔
انہوں نے کہا کہ 100 فیصد طلبا نے گوگل کیریئر سرٹیفکیٹ مکمل کیے ہیں۔ اور گوگل کیریئر سرٹیفکیٹ 3 سے 6 ماہ کی مدت کے کورسز ہیں۔ ہم چاہتے ہیں کہ سندھ کے طلباعالمی معیار کی تربیت حاصل کریں۔
