وزیراعظم شہباز شریف آج صدر مملکت آصف علی زرداری سے اہم ملاقات کریں گے۔
وزیراعظم آج شام ساڑھے 5 بجے صدر مملکت سے ملاقات کریں گے، اس اہم ملاقات میں ملکی سیاسی اور معاشی صورت حال پر تبادلہ خیال کیا جائے گا۔
دوسری جانب حکومت اور پی ٹی آئی کے درمیان مذاکرات کے سلسلے کا آغاز ہو گیا ہے، جس میں اپوزیشن سے چارٹر آف ڈیمانڈ پیش کرنے کا کہا گیا ہے۔
حکومت اور تحریک انصاف کی کمیٹیوں کے درمیان اجلاس پارلیمنٹ ہاؤس میں ہوا، آئندہ اجلاس اب 2 جنوری 2024ء کو ہو گا۔
