تحریک انصاف

ممبر سندھ نثار درانی کی سربراہی میں 3 رکنی کمیشن نے انٹرا پارٹی انتخابات کیس کی سماعت کی۔ ممبر خیبر پختونخوا نے کہا کہ پی ٹی آئی اب ایک ادارہ نہیں، ہم جاننا چاہتے ہیں وہ کونسی اتھارٹی ہے جس نے پارٹی الیکشن کروائے؟۔

اس موقع پر چیئر مین پی ٹی آئی بیرسٹر گوہر نے الیکشن کمیشن سے دستاویزات جمع کروانے کے لیے مہلت مانگ لی، انہوں نے بتایا کہ سینٹرل سیکرٹریٹ سے پولیس تمام دستاویزات حتی کہ واٹر ڈسپنسر بھی اٹھا کر لے گئی ہے۔

بعد ازاں الیکشن کمیشن نے پی ٹی آئی کو دستاویزات جمع کروانے کے لیے مہلت دیتے ہوئے کیس کی سماعت ملتوی کر دی، نئی سماعت کی تاریخ کا اعلان بعد میں کیا جائے گا۔