حکومت پاکستان نے یو اے ای میں قید 4ہزار 700 قیدیوں کے پاسپورٹ بلاک کردئیے ہیں۔
ذرائع وزارت داخلہ کے مطابق امارات میں مجموعی طور پر 5ہزار 292 پاکستانی مختلف جرائم میں قید ہیں، یو اے ای نے قید پاکستانیوں کے جرائم کی تفصیلات پاکستانی حکومت کو فراہم کیں۔
یو اے ای میں 2 ہزار 470 پاکستانی منشیات کے کیسز میں قید ہیں،فراڈ اور دھوکا دہی میں ملوث 100 پاکستانیوں کے پاسپورٹس بھی بلاک کئے گئے ہیں۔
چوری کے جرائم میں قید 704 ،قتل اور راہزنی میں ملوث 216 پاکستانیوں کے پاسپورٹ بھی بلاک کردئیے گئے اس کے علاوہ یو اے ای میں غیر قانونی مقیم 375 پاکستانیوں کے پاسپورٹ بھی بلاک کیے گئے۔
ذرائع وزارت داخلہ کا کہنا ہے کہ وزیر داخلہ محسن نقوی کے حکم پر پاسپورٹس کو بلاک کیا گیا ہے۔
