چیئرمین پاکستان تحریک انصاف بیرسٹر گوہر نے حکومت کی جانب سے مذاکراتی کمیٹی کی تشکیل کا خیر مقدم کرتے ہوئے کہا ہے کہ حکومت اور پی ٹی آئی کے مذاکرات جامع اور نتیجہ خیز ہونے چاہئیں۔
بیرسٹر گوہر نے کہا کہ امید ہے کم سے کم وقت میں تمام مسائل کا نتیجہ خیز حل نکل آئے گا، دونوں کمیٹیوں میں سنجیدہ لوگ ہیں، مذاکرات آگے ضرور بڑھیں گے۔
علاوہ ازیں پی ٹی آئی رہنما شیر افضل مروت نے کہا ہے کہحکومت کی جانب سے مذاکراتی کمیٹی کا قیام خوش آئند ہے۔ پارٹی کو تجویز دیتا ہوں کہ سول نافرمانی کی تحریک کو مؤخر کرنا چاہیے۔
انہوں نے کہا کہ حکومتی کمیٹی کو موقع دینا چاہیے، اُمید ہے مذاکراتی عمل میں دونوں فریقین مثبت کردار ادا کریں گے۔
