وزیر اعلیٰ پنجاب مریم نواز کی ہدایت پر صوبے بھر میں اسپیشل طلبا کو عید گفٹ کی فراہمی کا آغاز کر دیا گیا۔ عید کی تعطیلات سے قبل 40 ہزار بچوں کو عید گفٹ پیش کرنے کا ہدف پورا کیا جائے گا۔
مریم نواز کی معاون خصوصی ثانیہ عاشق نے لاہور میں 3 اسپیشل ایجوکیشن اداروں میں خود جا کر طلبا کو عید گفٹ پیش کیے۔ عید گفٹ ملنے پر اسپیشل طلبا نے مسرت کا اظہار کیا۔
اسپیشل بچوں نے اپنے پیارے انداز میں وزیر اعلیٰ مریم نواز کا شکریہ ادا کیا۔ جبکہ معاون خصوصی ثانیہ عاشق نے اسپیشل ایجوکیشن کالج کے لان میں پودا بھی لگایا۔
یہ بھی پڑھیں:
وزیر اعلیٰ پنجاب مریم نواز نے اپنے ایک بیان میں کہا کہ اسپیشل بچوں کو عید گفٹ دے کر خوشیوں میں شریک کرنا چاہتے ہیں۔ اور اسپیشل بچوں کو خوش دیکھنا بہت بڑی خوشی ہے۔
انہوں نے کہا کہ اسپیشل بچوں کے لیے پنجاب بھر میں نئے اور منفرد منصوبے لا رہے ہیں۔
