حسن نواز کا دیوالیہ پن 29 اپریل 2025 کو ختم ہوجائے گا۔
موقر قومی اخبار کے مطابق ترجمان برطانوی محکمہ ٹیکس نے کہا کہ تمام آپشنزختم ہونے پر حسن نواز کو دیوالیہ قرار دینے کیلئے لندن ہائیکورٹ سے رجوع کیا تھا۔
ترجمان برطانوی محکمہ ٹیکس کے مطابق رازداری کے قوانین کے سبب حسن نو از کے کیس کی تفصیلات شیئر نہیں کرسکتے، برطانوی محکمہ ٹیکس ایچ ایم آر سی اور حسن نو از کے درمیان ٹیکس کے تنازع کی رقم 10 لاکھ پاؤنڈ سے کم ہے۔
ذرائع کے مطابق یہ ٹیک تنازع ہے، حسن نواز کے خلاف کسی جرم، دھوکا دہی یا منی لانڈرنگ کی تحقیقات نہیں ہو رہی، یہ ایک سول کیس ہے، یاد رہے کہ حسن نواز اور ایچ ایم آر سی کے درمیان ایک کمپنی کے ٹیکس کا تنازع 2020ء میں شروع ہوا تھا۔ انہوں نے ایک غیر فعال کمپنی کا ٹیکس ادا کرنے سے انکار کیا تھا۔
