26 ویں آئینی ترمیم میں سود ی نظام کے خاتمے سے متعلق شق بھی منظور کر لی گئی۔
موقر قومی اخبار کی رپورٹ کے مطابق جمعیت علمائے اسلام کے سینیٹر کامران مرتضیٰ نے بھی ترامیم پیش کیں جس کی ایوان نے کثرت رائے سے منظوری دی جس کے تحت یکم جنوری 2028 تک سود کو مکمل طور پر ختم کردیا جائے گا۔
جمعیت علمائے اسلام نے آئین کے آرٹیکل 38 کے پیراگراف ایف میں ترمیم کی تجویز پیش کی جس میں کہا گیا کہ سودی نظام کا خاتمہ جتنا جلدی ممکن ہو کیا جائے گا۔
حکومت کی حمایت پر ایوان نے آرٹیکل 38 میں ترمیم منظور کرلی، 65 ارکان نے حق میں ووٹ دیا جبکہ مخالفت میں کوئی ووٹ نہ پڑا۔
اس حوالے سے وفاقی وزیر اطلاعات عطا تارڑ کا کہنا تھا کہ الحمداللہ سینیٹ نے پاکستان سے سود کے خاتمے کی قرارداد کثرت رائے سے منظور کرلی۔
