الیکشن کمیشن نے رجسٹرڈ سیاسی جماعتوں کی نئی فہرست جاری کر دی ہے تاہم پاکستان تحریکِ انصاف کے پارٹی چیئرمین کا نام تاحال اپ ڈیٹ نہیں کیا گیا۔
فہرست کے مطابق الیکشن کمیشن میں 166 سیاسی جماعتیں رجسٹرڈ ہیں ، پاک سر زمین پارٹی بھی رجسٹرڈ جماعتوں کی فہرست میں شامل ہے۔
الیکشن کمیشن نے مسلم لیگ ن کے انٹرا پارٹی انتخابات تسلیم کر لیے، نواز شریف مسلم لیگ ن کے صدر ہیں۔ علاوہ ازیں جماعت اسلامی کے انٹرا پارٹی الیکشن بھی تسلیم کر لیے گئے ہیں۔
الیکشن کمیشن نے کئی سیاسی جماعتوں کے نئے پارٹی صدر یا چئیرمین کے نام بھی اپ ڈیٹ کر دئیے لیکن پاکستان تحریک انصاف کے چئیرمین کا نام تاحال اپ ڈیٹ نہیں کیا گیا۔
ای سی پی نے نواز شریف کا نام بطور صدر مسلم لیگ، جماعت اسلامی کے امیر نعیم الرحمان خان کا نام بطور پارٹی سربراہ، محمود خان کا نام بطور چئیرمین پاکستان تحریک انصاف پارلیمنٹرین اپ ڈیٹ کر دیا۔
اس کے علاوہ فہرست میں صدر مملکت آصف زرداری کا نام بطور صدر پاکستان پیپلز پارٹی پارلیمنٹرین ، بلاول بھٹو زرداری کا نام بطور چئیرمین پاکستان پیپلز پارٹی موجود ہے ،اسفندیار ولی خان کا نام تاحال بطور صدر عوامی نیشنل پارٹی موجود ہے ۔
