اسلام آباد: وزیر خزانہ محمد اورنگزیب نے کہا ہے کہ معیشت کی بحالی سے متعلق ہماری سمت بالکل واضح ہے۔ پاکستان کو چیلنجز کا مقابلہ کرنے کے لیے سپورٹ مل رہی ہے۔
وزیر خزانہ محمد اورنگزیب نے میڈیا سے گفتگو کرتے ہوئے کہا ہے کہ معیشت سے متعلق بال ہمارے کورٹ میں ہے اور اب ڈیلیور کرنا پڑے گا۔ پاکستان میں سرمایہ کاروں کا اعتماد بڑھا ہے جس کے اثرات نظر آ رہے ہیں۔
انہوں نے کہا کہ پاکستان کی اسٹاک مارکیٹ میں تیزی آئی ہے اور ٹیکس نظام میں بہتری سے محصولات میں اضافہ کرنا ہے۔ ٹیکس نظام میں لیکج اور خسارے کو کنٹرول کرنا ہے۔
یہ بھی پڑھیں:
محمد اورنگزیب نے کہا کہ معیشت کی بحالی سے متعلق ہماری سمت بالکل واضح ہے اور جن اداروں کی نجکاری کرنی ہے اس پر کام جاری ہے۔
انہوں نے کہا کہ چینی مارکیٹوں تک رسائی حاصل کرنے کی کوشش کی جا رہی ہے اور پاکستان کو چیلنجز کا مقابلہ کرنے کے لیے سپورٹ مل رہی ہے۔ معاشی تعلقات کی بحالی پاکستان کی بڑی کامیابی ہے۔