بنوں میں چیک پوسٹ پر خودکش حملے کے نتیجے میں سیکورٹی فورسز کے 12 جوان شہید ہو گئے ، جبکہ سیکورٹی فورسز کی جوابی کارروائی میں 6 خارجی دہشتگرد مارے گئے۔
آئی ایس پی آر کے مطابق خوارج نے مالی خیل کے علاقے میں چیک پوسٹ میں داخل ہونے کی کوشش کے دوران بارود سے بھری گاڑی چیک پوسٹ کی دیوار سے ٹکرا دی ، جس کے نتیجے میں پاک فوج کے 10 سپاہی اور ایف سی کے جوان شہیید ہو گئے۔
آئی ایس پی آر کے مطابق خودکش دھماکے سے چیک پوسٹ کی دیوار کا ایک حصہ گر گیا اور عمارت کو نقصان پہنچا، حملے کے بعد سیکورٹی فورسز نے جوابی کارروائی کرتے ہوئے 6 دہشتگردوں کو ہلاک کر دیا۔
