آئی ایس پی آر کے مطابق سیکیورٹی فورسز نے مستونگ میں آپریشن کر کے 3دہشت گردہلاک ،3زخمی کردئیے۔
ہلاک دہشتگرد ڈپٹی کمشنر پنجگور ذاکر بلوچ کے قتل میں ملوث تھے، مستونگ میں دہشت گردوں کے خلاف کارروائی خفیہ اطلاعات پر کی گئی ،آئی ایس پی آر کا کہنا ہے کہ امن اور ترقی کو سبوتاژ کرنے کی کوشش کو ناکام بنانے کے لیے پرعزم ہیں ۔
وزیراعظم نے ڈی سی پنجگور کے قتل میں ملوث دہشتگردوں کوانجام تک پہنچانے پرسیکیورٹی فورسزکو خراج تحسین پیش کیا ہے ، شہبازشریف کا کہنا تھا کہ دہشتگردی پھیلانے والے عناصر ڈی سی پنجگور کے قاتلوں کے انجام سے سبق حاصل کر لیں۔
پاکستان میں دہشتگردی کو پنپنے کا موقع نہیں دیا جائے گا، دہشتگردی کے مکمل سدباب تک ہماری دہشتگردوں سے جنگ جاری رہے گی،قوم دہشتگردی کے خلاف جنگ میں افواج پاکستان کے ساتھ کھڑی ہے ۔
صدر آصف زرداری نے مستونگ میں کامیاب انٹیلی جنس بیسڈ آپریشن پر فورسز کو خراجِ تحسین پیش کیا ،صدر نے ڈی سی پنجگور کےقتل میں ملوث دہشتگردوں کو انجام تک پہنچانے پرسیکیورٹی فورسز کی تعریف کی۔
صدر مملکت آصف زرداری نے پاک فوج کی مؤثر کارروائی اورپیشہ ورانہ مہارت کی تعریف کرتے ہوئے کہا کہ دہشتگردی کے خاتمے تک کارروائیاں جاری رکھیں گے ۔
وزیراعلیٰ بلوچستان سرفرازبگٹی کا کہنا تھا کہ کامیاب آپریشن پر سیکیورٹی فورسز کو خراج تحسین پیش کرتےہیں،ریاست ہمیشہ مظلوم کے ساتھ کھڑی رہے گی،ریاست دہشت گردوں اور ان کے حمایتیوں کے خلاف لڑائی جاری رکھے گی ۔
