راولپنڈی اسلام آباد

اسلام آباد ،لاہور ، فیصل آباد ، سمیت پنجاب کے مختلف شہروں میں  بادل برسے کہیں ہلکی اور کہیں تیز بارش دیکھنے میں آئی، راولپنڈی اور اس کے نواحی علاقوں میں تقریباً 4 ماہ بعد تیز  بارش ہوئی ہے۔

محکمہ موسمیات کے مطابق ایچ ایٹ میں 22، شمس آباد 20 اور چکلالہ میں 18 ملی میٹر بارش ریکارڈ کی گئی۔  راولپنڈی اور اسلام آباد میں مزید 3 دن کی تیز بارش کا امکان ظاہر کیا گیا ہے۔

علاوہ ازیں بالائی پنجاب، خیبر پختونخوا ، کشمیر اور گلگت بلتستان میں بھی اکثر مقامات پر بارش اور پہاڑوں پر برفباری کی پیشگوئی کی گئی ہے۔