آرمی چیف جنرل سید عاصم منیر نے دو ٹوک الفاظ میں کہا ہے کہ پاکستان کی سیکیورٹی میں رکاوٹ بننے والوں کو نتائج بھگتنا ہوں گے،جو کوئی بھی ہمیں اپنا کام کرنے سے روکے گا اسے نتائج بھگتنا ہونگے۔
ایپکس کمیٹی اجلاس سے خطاب کرتے ہوئے انہوں نے کہا دہشتگردی کیخلاف جنگ میں ہر پاکستانی سپاہی ہے، کوئی یونیفارم میں اور کوئی یونیفارم کے بغیر۔
ہم سب نے مل کر دہشت گردی کے ناسور سے لڑنا ہے،ہم سب کے لیے آئین پاکستان مقدم ہے،آئین ہم پر پاکستان کی اندرونی اور بیرونی سیکیورٹی کی ذمہ داری عائد کرتا ہے۔
پاکستان آرمی اور قانون نافذ کرنے والے ادارے گورننس میں موجود خامیوں کو روزانہ کی بنیاد پر اپنے شہیدوں کی قربانی دے کر پورا کر رہے ہیں۔
