اقتصادی رابطہ کمیٹی نےسردیوں کیلئے بجلی کے خصوصی پیکیج کی منظوری دیدی ہے۔
وفاقی وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا جس میں پیکیج کی منظوری دی گئی ، ای سی سی اعلامیہ کے مطابق سردیوں میں بجلی کا خصوصی پیکیج3 ماہ کیلئے ہوگا۔
پیکیج کے تحت 200 یونٹ سے زائد استعمال پر 26 روپے 7 پیسے فی یونٹ ملے گی، کے الیکٹرک سمیت بجلی کی تمام تقسیم کار کمپنیوں کے صارفین کو پیکیج ملے گا۔
ای سی سی نے نیشنل ڈیزاسٹر مینجمنٹ اتھارٹی (این ڈی ایم اے) کیلئے 3.1 ارب روپے کی گرانٹ بھی منظور کرلی۔
