اسلام آباد ، پشاور سمیت مختلف شہروں میں زلزلے کے جھٹکے محسوس کئے گئے ، جس سے لوگوں میں خوف و ہراس پھیل گیا۔
شمالی وزیرستان ، باجوڑ ، مالاکنڈ ، سوات ، چارسدہ ، صوابی ، دیر بالا ، لوئر دیر ، نوشہرہ ، مہمند ، مانسہرہ سمیت ہزارہ ڈویژن میں بھی زلزلے کی اطلاعات موصول ہوئی ہیں ، تاہم کسی قسم کی جانی اور مالی نقصان نہیں ہوا۔
زلزلہ پیما مرکز کے مطابق زلزلے کی شدت 4.7 تھی جبکہ مرکز جنوب مشرقی افغانستان کا علاقہ تھا، گہرائی 98 کلو میٹر ریکارڈ کی گئی۔
زلزلے کے جھٹکے محسوس ہوتے ہی لوگ کلمہ طیبہ کا ورد کرتے ہوئے گھروں سے باہر نکل آئے۔
