ڈی ایٹ وزرا کونسل کے اجلاس سے خطاب کرتے ہوئے انہوں نے کہا بنگلہ دیش نے گزشتہ 3سال ڈی 8کی عمدہ سربراہی کی،بنگلہ دیش کی کوششوں سے رکن ممالک میں تعاون اور ترقی کو فروغ ملا۔
ڈی 8 مشرق وسطیٰ میں انسانی بحران کے حل پر تبادلہ خیال کا اہم فورم ہے ،پاکستان اقتصادی تعاون بڑھانے اور تجارت کے فروغ کیلئے پرعزم ہے،زراعت اور غذائی تحفظ پاکستان اور رکن ممالک کی اہم ترجیح ہے۔
گزشتہ سال پاکستان میں زراعت اور غذائی تحفظ کے حوالے سے ریسرچ سینٹر کا افتتاح کیا ،امید ہے یہ مرکز تمام رکن ممالک کیلئے جدید تحقیق کے حوالے سے سود مند ہو گا۔
سیاحت کے شعبے میں بے پناہ مواقع موجود ہیں ،ڈی 8کی سیاحت کے حوالے سے پالیسی کو عملی جامہ پہنانے کیلئے پرعزم ہیں۔
انہوں نے مزید کہا کہ پاکستان کے سفیر سہیل محمود کو ڈی 8کے سیکریٹری جنرل کیلئے نامزد کرتا ہوں ،امید ہے وزرائے خارجہ کونسل سہیل محمود کے نام کی منظوری دے گی ،پاکستان ڈی 8تنظیم کے مقاصد اور اہداف کے حصول کیلئے پرعزم ہے۔
