لاہور: صوبائی ڈیزاسٹر مینجمنٹ اتھارٹی (پی ڈی ایم اے) نے رواں ماہ ہیٹ ویو، بارشوں اور طوفان کا الرٹ جاری کر دیا۔
پی ڈی ایم اے کے مطابق 18 مئی تک پنجاب کے بیشتر اضلاع میں گرد آلود ہوائیں اور گرج چمک کے ساتھ بارشیں ہوسکتی ہیں۔
محکمہ موسمیات کی جانب سے راولپنڈی، اسلام آباد، مری، گلیات، اٹک، چکوال، منڈی بہا ؤالدین، گجرات، جہلم، گجرانوالہ میں تیز ہواؤں کے ساتھ بارش کی پیشگوئی ہے۔
لاہور، قصور، سیالکوٹ، نارووال، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا اور میانوالی میں بھی آندھی و بارش کا امکان ہے۔
یہ بھی پڑھیں:
ڈی جی پی ڈی ایم اے کے مطابق رواں ماہ درجہ حرارت اوسطاً 8 ڈگری سینٹی گریڈ تک بڑھنے کے امکانات ہیں۔
21 سے 27 مئی تک پنجاب میں ہیٹ ویو کے امکانات موجود ہیں جس کے لیے ضلعی انتظامیہ کو الرٹ جاری کر دیا گیا ہے۔
