راولپنڈی اسلام آباد میں میٹرو بس سروس آج بھی بند رہے گی۔
ایس سی او اجلاس ختم ہونے کے بعد اسلام آباد اور راولپنڈی کے راستے کھل گئے اور ٹریفک بحال ہو چکی ہے۔
راولپنڈی اسلام آباد کے درمیان چلنے والی میٹروبس سروس جمعرات کوبھی بند رہے گی،جمعہ سے سروس شروع ہوگی۔غیر ملکی مہمانوں کی آمد و رفت کی وجہ سے بند کیا گیا ایکسپریس ہائی وے بھی دونوں اطراف سے کھول دیا گیا ہے۔
سری نگر ہائی وے کو بھی جزوی طور پر کھول دیا گیا ہے لیکن سکیورٹی اقدامات کے پیش نظر آج 17 اکتوبر کو میٹرو بس سروس معطل رہے گی۔
