پی ٹی آئی کے سینئر رہنما اورسابق صدر عارف علوی نے امیر جے یو آئی (ف)مولانا فضل الرحمان سے اہم ملاقات کی ہے۔
جے یو آئی کے سربراہ مولانا فضل الرحمان نے سابق صدر کا اپنی رہائش گاہ پر استقبال کیا۔ ملاقات میں پی ٹی آئی کے سیکرٹری جنرل سلمان اکرم راجا بھی موجود تھے۔
ملاقات کے دوران اہم سیاسی امور پر تبادلہ خیال کرنے کے ساتھ ساتھ حکومت کی جانب سے مجوزہ آئینی ترامیم کے حوالے سے بھی جائزہ لیا گیا۔
ملاقات میں مولانا عطا الحق درویش، مولانا اسعد محمود، اخونزادہ حسین، عبدالجلیل جان بھی شریک تھے۔عارف علوی نے آئینی ترامیم سے متعلق مؤقف پیش کرنے پر مولانا فضل الرحمان کو مبارک باد بھی دی۔
