وزیراعظم شہباز شریف نے افواجِ پاکستان کے سربراہان سے ٹیلفونک رابطہ کر کے عید الاضحیٰ کی مبارکباد دی۔
وزیر اعظم نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا ، آرمی چیف جنرل سید عاصم منیر اور سروسز چیفس سے ٹیلی فونک رابطہ کر کے عید کی مبارکباد دی۔
وزیراعظم نے سرحدوں پر اپنے وطن کی حفاظت پر مامور جوانوں کو خراجِ تحسین پیش کیا اور کہا کہ افواج پاکستان کے سربراہان نے پیشہ ورانہ قیادت میں دہشتگردوں کے ناپاک عزائم کو ناکام بنایا۔
انہوں نے مزید کہا کہ قوم شہداء کو خراجِ عقیدت اور ان کے اہلِخانہ کو خراجِ تحسین پیش کرتی ہے۔
