وفاقی وزیر اطلاعات عطا تارڑ کا کہنا ہے کہ وزیراعظم بہت جلد عوام کو بجلی کے بلوں میں ریلیف دیں گے۔
میڈیا سے گفتگو کرتے ہوئے انہوں نے کہا کہ وزیراعظم جلد قوم سے خطاب کریں گے ،وزیراعظم خطاب میں عوام کو آئندہ کے لائحہ عمل سے آگاہ کریں گے۔
ایک ادارے کی جانب سے احتساب کا عمل خوش آئند ہے ،خود احتسابی کا عمل ہر ادارے کو اپنانا چاہیے ،فیض حمید سے تفتیش کے نتیجے میں مزید 3افسران کو گرفتار کیا گیا ،لگتا ہے مزید افسران کی گرفتاریاں بھی عمل میں آئیں گی ۔
ایک سیاسی جماعت اور اس کے لیڈ ر نے ملکی سالمیت پر حملے کیے ،وزیراعظم کی ہدایت پر معاشی اور سیاسی استحکام کیلئے بھر پور کوششیں کر رہے ہیں۔
ملک میں عدم استحکام پیدا کرنے کی اجازت نہیں دی جاسکتی ،ملکی معیشت کو تباہ کرنے کی اجازت کسی کو نہیں دیں گے۔
