صدر پاکستان مسلم لیگ (ن) نواز شریف نے وزیراعظم شہباز شریف اور وزیراعلیٰ پنجاب مریم نواز سے ملاقات کی ہے۔
لیگی ذرائع کے مطابق مری میں ہونے والی مسلم لیگ ن کے سینئر رہنماؤں کی ملاقات میں سپریم کورٹ کے فیصلے اور سیاسی صورتحال پر مشاورت کی گئی۔ نواز شریف نے دیگر پارٹی رہنماؤں سے بھی فرداً فرداً ملاقات کرکے مختلف آپشنز پر مشاورت کی۔
ذرائع کا کہنا ہے کہ پارٹی صدر نواز شریف کی ہدایات سے متعلق پارٹی رہنماؤں کو جلد آگاہ کردیا جائے گا۔
خیال رہے کہ نواز شریف کی زیرِ صدارت ن لیگ نے مری میں اہم اجلاس پیر کو طلب کر رکھا تھا تاہم محرم الحرام کے باعث اجلاس ملتوی کردیا گیا ہے۔