وزیر اعظم نے اجلاس میں ہدایت کی کہ کوئلے سے چلنے والے بجلی گھروں کو مقامی کوئلے پر منتقل کیا جائے،بجلی کے ترسیلی نظام کو بہتر کیا جائے۔
صرف صاف اور کم لاگت پن اور قابل تجدیدبجلی کے پلانٹ لگائے جائیں گے،اجلاس کو بیرونی سرمایہ کاری کے تحت 600 میگاواٹ شمسی توانائی کے منصوبے پر بریفنگ دی گئی ۔
وزیر اعظم نے شمسی توانائی کے منصوبے میں بیرونی سرمایہ کاری سے متعلق اقدامات تیز کرنے کی ہدایت کی ۔شہبازشریف نے کہا کہ بجلی کی اضافی استعداد کو صنعتوں میں برؤئے کار لانے کیلئے تجاویز تیار کی جائیں۔
بجلی کی ویلنگ کے نرخوں کو کم کیا جائے تاکہ صنعتی صارفین کو کم لاگت پر بجلی فراہم ہو،صنعتی ترقی اور برآمدات میں اضافے کیلئے بڑی صنعتوں کے قریب گرڈ اسٹیشنز بنائے جائیں۔ایسے جینکوز بجلی گھر جو فعال ہیں انکی نجکاری کے عمل کو تیز کیا جائے۔
جینکوز بجلی گھر جو غیر فعال اور ناکارہ حالت میں ہیں انکی نیلامی کے عمل کو تیز کیا جائے،وزیر اعظم نے اجلاس میں کہا کہ عام آدمی کیلئے بجلی کی فی یونٹ قیمت میں کمی کیلئے ہر ممکن اقدامات کر رہے ہیں،بجلی شعبے کے گردشی قرضے میں کمی کیلئے شعبے کی ترجیحی بنیادوں پر اصلاحات جاری ہیں۔
