کراچی ایئرپورٹ کے قریب چینی انجینئرز پر خودکش دھماکے کے بعد بیجنگ نے پاکستان میں مختلف منصوبوں پر کام کرنے والے ہزاروں چینی شہریوں کی سیکیورٹی کیلئے اپنی فورس تعینات کرنے پر زور دیا۔
پاکستان پر مشترکہ سیکیورٹی مینجمنٹ سسٹم کیلئےمذاکرات پر زور دیا، مذاکرات میں شریک سرکاری اہلکار نے بتایا کہ چین نے پھر پاکستان میں اپنی فورس تعینات کرنے پر زور دیا تاہم اسلام آباد نے اب تک اس پر اتفاق نہیں کیا۔
اہلکار کے مطابق اس حوالے سے بیجنگ نے اسلام آباد کو تحریری تجویز بھیجی ہے جو پاکستانی ایجنسیوں کو بھیج دی گئی ہے۔
جس کے تحت سیکیورٹی ایجنسیوں اور فوجی دستوں کو انسداد دہشتگردی کے مشنز میں مدد اور مشترکہ حملے کرنے کیلئےایک دوسرے کی سرزمین پر بھیجنے کی اجازت دینا شامل ہے۔
