گوجر خان میں شادی کی تقریب میں کھانا کھانے سے 200افراد کی حالت غیر ہوگئی ۔
ترجمان فوڈ اتھارٹی کے مطابق ابتدائی تحقیقات مکمل کرلی گئی ہیں،پروسیسنگ ایریا میں صفائی کے ناقص انتظامات تھے، واٹر ٹینک واش روم میں موجود پایا گیا۔
کیٹرنگ یونٹ بند اور ایک لاکھ جرمانہ عائد کیا گیا ہے،فوڈ سیفٹی آفیسر نے لواحقین اور ڈاکٹرز سےملاقات کی ، تمام افراد کی حالت خطرے سے باہر ہے۔
ترجمان فوڈ اتھارٹی کا مزید کہنا تھا کہ خوراک کے نام پر بیماریاں فروخت کرنے والے افراد کیخلاف زیرو ٹالرینس پالیسی ہے ۔
وزیراعلیٰ پنجاب کے مشن صحت مند پنجاب کے تحت چھوٹے بڑے فوڈ پوائنٹس کی مسلسل چیکنگ جاری ہے۔
