بانی پی ٹی آئی عمران خان کے ایکس اکاؤنٹ سے دھمکی آمیز پوسٹ کی تحقیقات کا فیصلہ کیا گیا ہے۔
ذرائع کے مطابق ایف آئی اے، سائبر کرائم ونگ، اسلام آباد کے سینئر افسران کی سربراہی میں 4 رکنی ٹیم تشکیل دی گئی ہے۔
تفتیشی و تکنیکی افسران پر مشتمل ٹیم اڈیالہ جیل میں بانی پی ٹی آئی سے تحقیقات کرے گی،تحقیقات بانی پی ٹی آئی کے ایکس اکاؤنٹ سے دھمکی آمیز پوسٹ کرنے پر کی جا رہی ہے۔
یہ انتہائی متنازعہ پوسٹ بانی پی ٹی آئی کے آفیشل ایکس اکاؤنٹ سے شیئر کی گئی تھی۔
