اڈیالہ جیل کے سپرنٹنڈنٹ اسد وڑائچ کو تبدیل کر دیا گیا ، اس حوالے سے ہوم ڈیپارٹمنٹ پنجاب نے نوٹیفکیشن جاری کر دیا ہے۔
نوٹیفکیشن کے مطابق اسد وڑائچ اڈیالہ جیل سے تبادلہ کرکے سپرنٹنڈنٹ ساہیوال جیل تعینات کر دیا گیا ، ان کی جگہ محکمہ جیل خانہ جات گریڈ 19 کے عبدالغفور انجم کی تعیناتی کر دی گئی۔
ہوم ڈیپارٹمنٹ پنجاب نے جیل افسران کے تقرر و تبادلوں کا نوٹیفکیشن جاری کر دیا ہے ،واضح رہے کہ عبدالغفور انجم فیصل آباد جیل میں بطور سپرنٹنڈنٹ ذمہ داریاں انجام دے رہے تھے۔
