الیکشن کمیشن کے جاری کردہ نوٹیفیکیشن کے مطابق قومی و صوبائی اسمبلیوں کی کُل 77 مخصوص نشستوں پر ارکان کی رکنیت معطل کی گئی ہے۔ خواتین کی 66 اور اقلیتوں کی 11 مخصوص نشستوں پر رکنیت معطل کی گئی۔
قومی اسمبلی کی 21 مخصوص نشستوں پر ارکان کی رکنیت معطل کردی۔ اقلیتوں کی نشست پر قومی اسمبلی کے 3 جبکہ خواتین کی 19 نشستوں پر اراکین کی رکنیت معطل کردی۔
ای سی پی کے مطابق خیبرپختونخوا اسمبلی میں خواتین کی 21 اور اقلیتوں کی 4 نشستوں پر ارکان کی رکنیت معطل کی گئی ہے۔ اسی طرح پنجاب اسمبلی میں خواتین کی 24 اور اقلیتوں کی 3 نشستوں پر ارکان کی رکنیت معطل کردی۔
ای سی پی کے نوٹیفیکیشن کے مطابق پنجاب اسمبلی میں اقلیتی نشست پر منتخب 3 اراکین کی رکنیت معطل کی گئی ہے۔ سندھ اسمبلی میں خواتین کی 2 اور اقلیتوں کی ایک نشست پر ارکان کی رکنیت معطل ہوئی ہے۔
اس طرح قومی اسمبلی میں مسلم لیگ ن کی 13 خواتین اور ایک اقلیتی نشست کم ہوگئی۔ قومی اسمبلی میں پیپلز پارٹی کی 5 اور جمیعت علمائے اسلام (جے یو آئی) ف کی 3 نشستیں کم ہوگئیں۔
خیبرپختونخوا اسمبلی میں جے یو آئی کی 10، ن لیگ کی 6 نشستیں کم ہوئیں۔ اسی طرح خیبرپختونخوا اسمبلی میں پیپلز پارٹی کی 7 نشستیں کم ہوگئیں۔
