پشاور: خیبر پختونخوا کے علاقے سوات اور گردونواح میں زلزلے کے جھٹکے محسوس کیے گئے۔
زلزلہ پیما مرکز کے مطابق سوات اور اس کے گردونواح میں آنے والے زلزلے کی شدت ریکٹر اسکیل پر 4.1 ریکارڈ کی گئی۔
زلزلے کا مرکز ہندوکش کا پہاڑی سلسلہ تھا۔ جبکہ زلزلے کی زیرزمین گہرائی 60 کلومیٹر تھی۔
یہ بھی پڑھیں:
سوات اور گردونواح میں آنے والے زلزلے کے باعث لوگ خوفزدہ ہو کر گھروں سے باہر نکل آئے۔ اور کلمہ طیبہ کا ورد کرنے لگے۔ تاہم زلزلے سے کسی جانی و مالی نقصان کی اطلاع موصول نہیں ہوئی۔
