مری میں عید الفطر اور ویک اینڈ پر سیاحوں کی آمد کا تاحال سلسلہ جاری ہے۔
سی ٹی او راولپنڈی تیمور خان کے مطابق عید کے پہلے دن سے اب تک تقریباً 49 ہزار گاڑیاں مری میں داخل ہوئی ہیں۔ اس وقت بھی مری میں سیاحوں کی تقریباً 7 ہزار 500 گاڑیاں موجود ہیں۔
انہوں نے بتایا کہ مری میں گزشتہ روز سے بارش کا سلسلہ جاری ہے۔ بارش کے دوران ٹریفک کی روانی کو برقرار رکھنے کیلئے انتظامات مکمل ہیں۔ سی ٹی او، ایس ٹی او راولپنڈی اور ڈی ایس پی ٹریفک انتظامات کی نگرانی خود کر رہے ہیں۔
ترجمان سی ٹی او نے مزید بتایا کہ لفٹرز اور بریک ڈاونز پیٹرولنگ حالت میں رہیں گے۔ شہریوں کو ہر ممکن مدد فراہم کرنے کیلئے انتظامات جاری ہیں۔
