محکمہ سکول ایجوکیشن نے پرانے اساتذہ سے جان چھڑانے کا فیصلہ کرلیا، رضاکارانہ طور پر ریٹائرمنٹ لینے کے خواہشمند اساتذہ کا ڈیٹا طلب کر لیا۔
تفصیلات کے مطابق محکمہ سکول ایجوکیشن نے ڈسٹرکٹ ایجوکیشن اتھارٹیز سے ڈیٹا مانگا ہے کہ رضاکارانہ طور پر ریٹائرمنٹ لینے کے خواہشمند اساتذہ کتنے ہیں؟
پچاس اور 55 سال کی عمر کے کتنے اساتذہ ریٹائرمنٹ چاہتے ہیں ؟ ایسے اساتذہ جن کی سروس 25 سال ہوچکی ان کا ڈیٹا بھی فراہم کیا جائے ۔محکمہ سکول ایجوکیشن نے تمام سکولوں سے فوری ڈیٹا طلب کرلیا ہے۔
ریٹائرمنٹ کے خواہشمند اساتذہ کی ڈیٹ آف برتھ، پوسٹنگ، عہدہ اور تعلیمی قابلیت کا بھی ریکارڈ طلب کیا گیا ہے۔یاد رہے کہ محکمہ سکول ایجوکیشن کے پاس 12 ہزار میٹرک پاس اور 8 ہزار سے زائد ایف اے پاس اساتذہ ہیں۔
